Се Што Треба да Знаете за Провизии при Земање на Брз Кредит

Кога ќе се спомене кредит, многумина помислуваат само на отплаќање на основата и каматата. Но, многу важен трошок кој е поврзан со брзите кредити се и провизиите. Како одговорно финансиско друштво, ние сме тука да споделиме со вас се што треба да знаете за провизии при земање на брз кредит.

Наш приоритет е вие како наши сегашни или идни клиенти да бидете добро информирани за финансиските услуги кои ги користите. За да бидете задоволни од нашите финансиски услуги ви подготвивме кратко објаснување за провизиите!

Се што треба да знаете за провизии при земање на брз кредит

Кога аплицирате за брз кредит, треба да се информирате за сите трошоци кои се поврзани со истиот. Тоа не се однесува само на каматната стапка, туку и за сите административни трошоци за одобрување, доцнење на рати, издавање на потврди и слично. 

Доколку се одлучите да аплицирате во Минт Кредит, во договорот можете да прочитате се што треба да знаете за провизии при земање на брз кредит. Во Минт Кредит, се наплаќаат следните кредитни провизии:

• Провизија за одобрување
• Провизија за доцнење
• Трошоци за издавање на документи

За разлика од останатите брзи кредитни друштва, во Минт Кредит не се наплаќа провизија за предвремено враќање на кредитот.

Провизија за одобрување

Трошоци за одобрување се вид на трошоци кои вие како корисници на кредитот треба да ги покриете, а се поврзани со подготовка и обработка на барањето за кредит, аплицирање и администрирање на кредитната партија. Оваа провизија е најчесто еднократна.

Провизија за доцнење

Во договорот за кредит, јасно се наведени нашите и вашите права и обврски. Во нив има и одредби кои ве обврзуваат да платите провизија за доцнење доколку месечната рата не ја исплатите во договорениот рок.

Во Минт Кредит, провизијата се пресметува на дневно ниво после петтиот ден од доспевање на ратата, и моментално изнесува 0,5% од одобрениот износ. Доколку доспеаната рата не е покриена во рок подолг од 90 дена, ние имаме право да покренеме судска постапка за плаќање на износот.

Дополнително на тоа, доколку не ги исполнувате вашите обврски од договорот, ќе треба да сносите и останати трошоци освен провизијата за доцнење како што се покана за доброволно исполнување, лични посети и патни трошоци, телефонски повици, адвокатски хонорари и слично.

Трошоци за издавање на документи

Има и трошоци кои треба да ги покриете за одредени услуги кои Вам ви се потребни. На ваше барање, ние можеме да изготвиме документи како потврда за состојба на долг, потврда за затворен кредит и реиздавање на амортизационен план. За сите нив, вие треба да платите соодветен паричен надоместок кој е наведен во нашиот тарифник.

Како да ги разберете провизиите при земање на брз кредит?

Доколку имате основно познавање на финансиските поими, можете лесно да ги разберете провизиите поврзани со подигање на брз кредит со читање на договорот. Пред да го потпишете, добро прочитајте ги сите одредби и ќе ги дознаете сите провизии и трошоци при земање, отплата и затварање на брзиот кредит.

Исто така, во секое време можете да се обратите кај нашите кредитни експерти и тие ќе ви ги објаснат сите трошоци за земање на брз кредит од Минт. Секое прашање е добродојдено и ќе ви биде одговорено веднаш.

Како се одлучуваат провизиите на брз кредит?

Најчесто, кредиторите имаат два видови на провизии помеѓу кои треба да се одлучат: фиксни и варијабилни. Фиксните провизии најчесто се наплаќаат за дополнителни услуги како што се издавање на потврди, амортизациони планови и слично. Како на пример, во моментот на пишување, трошоците за издавање на потврда за состојба на долг, затворен кредит или реиздавање на амортизационен план кај нас во Минт Кредит се фиксни и чинат 690 денари.

Од друга страна пак, за одобрување на кредити и сите административни трошоци поврзани со доцнење се применува процентуална пресметка на провизијата. 

Имајте во предвид дека во договорот за кредитирање може да стои дека провизиите и останатите надоместоци кои треба да ги покривате се подложни на промена. Во такви случаи, ние имаме право да ја промениме висината на трошоците.

Но од што зависат провизиите при земање на брз кредит? На државно ниво, сите финансиски друштва треба да ги одредат висините и видовите на провизии кои ќе ги наплатат според законите за регулирање на финансискиот систем. Во законските рамки и нашите правила за раководење на друштвото, ние ја одредуваме висината на провизиите за брзиот кредит.

Уверете се зошто сме најдобрите!

Ако сте заинтересирани за кредит со најповолни услови на пазарот, транспарентен процес на кредитирање, брза исплата и без скриени трошоци, ние од Минт Кредит ви стоиме на располагање. Се што треба да знаете за провизии при земање на брз кредит веќе ви објаснавме. Ако сепак имате дополнителни прашања, можете да нѐ контактирате телефонски или да дојдете лично во нашите филијали!