Кога финансиската услуга значи и човечка грижа. MINT Fintech Group со одговорен пристап кон клиентите и заедницата

Во современото финансиско работење, довербата се гради преку одговорност, разбирање и долгорочен однос со клиентите. Водена од тие принципи, MINT Fintech Group и оваа година реализираше целни празнични активности со кои обезбеди поддршка за две семејства во различни градови во земјата.

Во Струмица, компанијата презеде активности за целосно регулирање на обврската на семејството Весеви во износ од 131.505 денари, а дополнително обезбеди практична поддршка преку таблет уред, бадникова корпа и ваучер за спортска опрема од 10.000 денари. Поддршката е дел од пристапот на компанијата да реагира навремено и со разбирање на реалните животни околности на своите клиенти.

Во Велес, каде донацијата веќе е реализирана, MINT Fintech Group обезбеди целосно регулирање на обврската на семејството Кузманови во износ од 104.484 денари, како и мобилен апарат во вредност од околу 200 евра, како практично решение за олеснување на секојдневната комуникација.

Овие активности се резултат на интерен процес во кој посветен тим ги следи потребите и предизвиците на клиентите, со цел навремено да се донесат одлуки што комбинираат финансиска одговорност и човечки пристап.

Со ваквиот модел на работење, MINT Fintech Group ја потврдува својата улога како финансиски партнер кој гради долгорочна доверба – не само преку услуги, туку и преку вредности.